Ване Јованов ја засили Брегалница

Десниот бек Ване Јованов е ново засилување за Брегалница.

24-годишниот фудбалер повторно се враќа меѓу „сините“ за кои настапуваше во сезоната 2017/18. Претходно во кариерата има настапи и за Академија Пандев, Вардар, Каменица Саса, а сега во Брегалница доаѓа од редовите на прилепска Победа каде играше изминатава сезона.

Јованов е второ засилување за Брегалница во летниот преоден рок откако претходно во својот клуб се врати и голманот Мартин Давков.