Илкај Гундоган одлучи да се пресели на „Камп Ноу“. Новиот играч за врска на Барселона телефонски му соопштил на Пеп Гвардиола дека нема да остане во Сити и признава дека му било многу тешко да го стори тоа, бидејќи има одлични односи со шпанскиот стручњак.
Пеп до крајот се надевал дека Гундоган би може да остане на „Итихад“.
„Најтешкиот телефонски повик што го имав беше кога морав да му кажам на Пеп дека заминувам. Сѐ што можев да направам е да му се заблагодарам, не само за оваа сезона туку и за сѐ што направи за мене“, изјави Гундоган.
„Никогаш нема да заборавам кога го повредив коленото на крајот од сезоната со Боруисија Дортмунд во 2016 година и морав да одам на операција. Бев загрижен дека Сити ќе се откаже од мојот трансфер, но тогаш Пеп ми се јави и ми рече дека ќе чека за опоравување колку што е потребно и нема да се откаже од мене. Мислам дека Пеп се надеваше дека заедно ќе го напуштиме Сити, но знам дека ја разбира мојата одлука. Сигурен сум дека помага и фактот што одам во неговиот омилен клуб“, истакна германскиот интернационалец.
Гундоган би требало да и се приклучи на Барселона за две недели кога каталонскиот клуб ќе ги започне подготовките за новата сезона.
