Тиквеш ги претстави новите засилувања и ги почна подготовките (ФОТО)

Македонскиот прволигаш Тиквеш ги почна подготовките за новата натпреварувачка сезона 2023/24 во Првата фудбалска лига. Кавадарчани се засилија со неколку нови имиња, а најзвучно меѓу нив секако е Даниел Мојсов, поранешниот македонски репрезентативец кој се враќа во матичниот клуб.

Пристигнаа и Џемал Ибиши, Филип Михаилов, Миле Тодоров, Благоја Спиркоски, како и повратниците Глигор Шиков и Глигор Дончев.

Тимот ги почна подготовките, првата фаза ќе се одвива во Кавадарци, а потоа во план е одигрување на неколку пријателски натпревари.