Шкендија подобра од Рогашка, реми за Шкупи против Егнатија

Македонските екипи кои ќе играат во Европа почнаа со одигрување пријателски натпревари и темпирање на формата. Шкендија денеска славеше против словенечкиот тим Рогашка со 1-0, на подготовките во Словенија. Стрелец на голот во првото полувреме беше Енур Тотре.

Шкупи одигра 1-1 против албанскиот тим Егнатија во турската туристичка база Болу. Егнатија поведе на овој меч, а израмни Валид Хамиди. Тој не успеа да погоди од белата точка, но од втор обид ја затресе мрежата на Егнатија.

Претходно денеска Македонија ЃП загуби од Целје со 2-1 на подготовките во Словенија.