КЛ: Шкупи, Шкендија и Македонија ЃП ги добија можните противници за второто коло

Македонските претставници во Конференциската лига на УЕФА ги добија можните ривали за второто квалификациско коло.

Шкендија, доколку го мине Хаверфордвест од Велс, во следната рунда ќе се соочи со победникот од мечот меѓу Б 36 Торшавн (Фарски Острови) и Паиде (Естонија).

Шкупи, ако го елиминира Хегелман од Литванија, во второто коло го очекува дуел со бугарскиот тим Левски.

Освојувачот на Купот, Македонија ЃП, ако биде поуспешна од РФС, во следното коло ќе се сретне со Сабах од Азербејџан.