Денковски и Серафимов го засилија Шкупи

Голманот Давид Денковски и младиот дефанзивец Давор Серафимов се новите две засилувања за Шкупи. Двајцата потпишаа тригодишни договори со тимот од Чаир.

Денковски е еден од најталентираните голмани во Македонија, младински репрезентативец, а во досегашната кариера беше дел од Вардар, Академија Пандев, Пехчево и Брегалница.

Давор Серафимов најчесто игра на десната бековска позиција, тој доаѓа од Вардар и исто така е репрезентативец на Македонија во селекциите до 18 и до 19 години.