Македонскиот првак Струга Трим Лум не ја обнови соработката со Сухељ Мухарем. По завршувањето на договорот двете страни се разделуваат.
„Мухарем дојде во нашиот тим во септември 2021 година, кога пристигна од Работнички. Во изминатиов период во нашиот тим забележа 26 настапи, од кои 13 во последната сезона во која постигна три гола и имаше три асистенции. Ншиот клуб му се заблагодарува на Сухељ за придонесот, имајќи предвид дека беше дел од златната генерација која ја освои шампионската титула“, истакнаа од Струга ТЛ.
