Тренерот на Порто, Серџо Консеисао, е новиот фаворит за наследник на Лучијано Спалети во Наполи. Според „Скај Италија“, шампионот во Серија А му понудил на Португалецот плата од 6 милиони евра по сезона.
Откако стана јасно дека Спалети нема да продолжи да работи откако побарал пауза од фудбалот, последните денови се појавија информации дека „партенопеите“ преговараат со Луис Енрике. Сепак, претседателот на Наполи прокоментира дека желбата на поранешниот селектор на Шпанија е да почне со работа во Премиер – лигата.
Консеисао моментно е фаворит за оваа функција, а алтернативи се Винченцо Италијано и Тијаго Мота.
Португалецот добро ја познава Серија А каде играше за Лацио, Парма и за Интер. Во летото 2021 година неговото име се поврзуваше со Наполи, но на крајот изборот падна на Спалети.
