Мишевски го продолжи договорот со Македонија ЃП

Македонскиот прволигаш Македонија ЃП го продолжи договорот со капитенот Филип Мишевски за уште една сезона. Раководството на клубот од Ѓорче Петров официјално објави дека е продолжена соработката со дефанзивецот кој беше незаменлив во одбраната на тимот изминатата сезона.

Мишевски одигра 33 натпревари и постигна седум голови за Македонија ЃП во сезоната што измина. Претходно, договорот со „лавовите“ го продолжи и Филип Алексовски.