Новиот прволигаш Воска Спорт ја раскина соработката со досегашниот тренер Берат Имери. Во историската прва сезона во елитата, тимот од Охрид ќе го предводи нов стратег.
„Воска Спорт објавува дека Берат Имери повеќе нема да биде шеф на стручниот штаб. По неколку дена разговори не успеавме да најдеме заеднички јазик, по што беше донесена одлука за разделба. Воска му се заблагодарува на Имери за придонесот во периодот додека го водеше нашиот тим и му посакуваме многу среќа, здравје и успех во натамошната тренерска кариера. Веруваме дека еден ден нашите патишта повторно ќе се спојат“, објави ФК Воска.
Како најсериозен кандидат за нов шеф на стручниот штаб на Воска Спорт се споменува Мирсад Јонуз, кој го напушти Скопје по поразот во баражот од Вардар.
