Вардар има предност од 1-0 по првото полувреме на бараж натпреварот против Скопје за пласман во Првата лига за следната сезона, што се игра во Кавадарци. Стрелец на голот беше Дарко Размоски во третата минута.
ФК Скопје игра со фудбалер помалку по половина час откако Миле Тодоров направи голема глупост и фрли факел кон трибината каде се наоѓаат „Комитите“. Претходно, мечот беше прекинат токму поради „бакљадата“ на навивачите на Вардар.
Сепак, судијата Александар Ставрев го оцени потегот на Миле Тодоров како неспортско однесување и му покажа директен црвен картон.
