Менаџерот Пеп Гвардиола има единствена шанса да го предводи Манчестер Сити до тројна круна по уште една многу силна сезона за „граѓаните“. Освојувањето на титулата во Премиер – лигата изгледа 99% сигурна работа, а тимот се наоѓа и во финалето на Лигата на шампионите и на ФА Купот.
Во интервју за „Скај Спортс“, Шпанецот доби прашање дали би заминал од Манчестер Сити, доколку ја освои тројната круна. Тогаш и не би му преостанало ништо за докажување со овој тим.
„Прво треба да ги освоиме овие пехари и дури потоа да ме прашате како се чувствувам и што мислам за оваа работа“, одговори Пеп.
Тој побрза да појасни дека успехот во двете финалиња е далеку од сигурен. Противник на Манчестер Јунајтед во ФА Купот на 3 јуни ќе биде Манчестер Јунајтед, а една недела подоцна пресметката со Интер во ЛШ ќе се одржи во Истанбул.
„Дали сакате да кажете дека ќе ни биде лесно против локалниот ривал Манчестер Јунајтед? А што ќе се случи против италијанскиот противник кој не важи за фаворит? Размислувам за овие работи. Ако успееме, ќе ви кажам подоцна, околу заминувањето, ха-ха“, истакна Гвардиола.
Манчестер Сити ќе биде шампион на Англија ако го победи Челси в недела. Тоа може да стане реалност уште денеска доколку Арсенал загуби од Нотингем Форест.
