Македонската репрезентација го одработи официјалниот тренинг на „Ернст Хапел“ стадионот во Виена каде утре од 20:45 часот го игра претпоследниот натпревар од квалификациите за ЕП 2020, против Австрија.
Избраниците на Игор Ангеловски под полна пареа го одработија тренингот пред дуелот, предводени од капитенот Горан Пандев кој и покрај високата телесна температура се појави на најголемиот австриски стадион.
Останува знак прашање дали ќе биде подготвен за утрешниот дуел, но Пандев јасно посочи дека не планира да ги остави на „цедило“ соиграчите…
