Македонија е во финалето на плејофот од Лигата на нации, на еден чекор до Европско првенство откако го елиминира Косово со триумф од 2-1 на арената „Тодор Проески“ во Скопје. Многумина стравуваа, како ќе играат Муслиу, Барди, Адеми, Хасани…, но тие докажаа дека со срце играат за Македонија.
Признава Муслиу дека и не било лесно да се игра против Косово.
„Пресреќен сум за пласманот во финалето. Ќе бидам искрен и ќе кажам дека не е лесно да играш против „своите“, но ова е спорт, а ние сме професионалци и животот продолжува и по овој меч. Целта ни беше победа за да стигнеме чекор поблиску до остварување на сонот“, изјави Муслиу.
