Шалке 04 го доби дербито на дното против Бохум со 0-2 и ги оживеа надежите за опстанок во Бундес-лигата. Риман во 45.минута си постигна автогол, а Буитер во 79.минута го потврди триумфот на Шалке.
Унион Берлин полека заостанува во битката за титулата откако одигра без голови дома против Келн.
Аугсбург го совлада Вердер со 2-1, а Мајнц славеше против Хофенхајм со 1-0, со голот на Леандро Бареиро. Немаше голови и на мечот Борусија Менхенгладбах – Фрајбург.
