Бекот на Баерн Минхен, Нусаир Мазрауи, се врати на тренинзите со тимот, соопштија од баварскиот клуб.
Мароканскиот репрезентативец се зарази со коронавирус за време на Светското првенство во Катар, по што следеа грип и проблеми со срцето што го принудија да мирува повеќе од два месеци.
Баерн се уште нема одредено конкретен датум за враќање на Мазрауи на терените, но се очекува тоа да се случи на почетокот на март.
Во недела баварскиот клуб му гостува на Унион Берлин во натпревар од 22. коло на Бундес – лигата.
Двата тима, заедно со Борусија Дортмунд, го делат првото место во поредокот со по 43 бода.
