Манчестер Сити се сопна каде што никој не очекуваше, играјќи 1-1 против Нотингем Форест на гости. „Граѓаните“ имаа огромен број шанси, не ги реализираа, а на шест минути пред крајот примија гол и испуштија два важни бода во битката за титулата.
И покрај ремито, Пеп Гвардиола смета дека тимот одиграл еден од најдобрите натпревари оваа сезона.
„Требаше да постигнеме гол, имавм премногу шанси за тоа. Во суштина, тоа беше еден од нашите најдобри натпревари, но на крајот испуштивме два бода. Требаше да бидеме поагресивни“, изјави Гвардиола.
Манчестер Сити сега има 52 бода, два бода помалку од лидерот Арсенал кој има и натпревар помалку.
