Најдобриот стрелец на Лајпциг, Кристофер Нкунку, ќе се врати во составот за гостувањето кај Волфсбург во Бундес-лигата, откако се опорави од повредата на коленото.
„Кристо е играч кој може да ја направи разликата, што ќе ни помогне викендов и се надеваме во Лигата на шампионите во среда. Одлично е што тој повторно е опција за нас бидејќи нема многу талентирани играчи како него во европскиот фудбал“, изјави тренерот Марко Росе на прес-конференција.
Сепак, тој нагласи дека на напаѓачот ќе му треба малку време за да се врати во максимална подготвеност.
„За мене е важно да не очекуваме премногу од него на почетокот“, рече Росе за Нкунку, кој оваа сезона постигна 12 гола во Бундес-лигата, само еден помалку од најдобриот стрелец во лигата Никлас Фулкруг од Вердер Бремен.
