Иван Варадиновски е нов тренер на Детонит Плачковица

Македонскиот второлигаш Детонит Плачковица го ангажираше Иван Варадиновски за нов тренер. Тој ќе биде замената за Горан Здравков кој го презеде кормилото на прволигашот Брегалница.

Варадиновски беше тренер на Кит Го и на Каменица Саса, а сега добива шанса и на клупата на амбициозниот второлигаш од Радовиш.

Детонит Плачковица првиот дел од сезоната во Втората лига го заокружи на петтата позиција на табелата со 29 бода, осум помалку од лидерот Гостивар.