Најтрофејниот македонски клуб Вардар го победи Кожуф со 2-0 во премиерниот меч од последната есенска рунда во Втората фудбалска лига. Дарко Мицевски во 20.минута и Кире Маркоски во 60.минута беа стрелци на головите за „црвено-црните“ на овој меч.
Вардар од 50.минута играше со фудбалер помалку по исклучувањето на Симеон Христов.
По овој триумф, вардарци се искачија на врвот на табелата со 36 бода, два повеќе од Гостивар, кој утре го пречекува Караорман на домашен терен.
