Селекторот на иранската репрезентација Карлос Квеирош поднесе оставка по елиминацијата на тимот од СП во Катар. Веста ја објави португалскиот стручњак на социјалната мрежа Инстаграм.
„Пријатели, нема морални победи во фудбалот и нема ништо неморално во тоа да не ги постигнете своите цели откако ќе дадете се од себе со желба за победа. Беше чест и привилегија повторно да станам дел од ова фудбалско семејство. Верувам дека заслужуваме целосна почит, доверба во вашата земја кај љубителите на фудбалот. На сите им посакувам среќа, мир, успех и здравје“, напиша Квеирош на својот профил.
