Саудиска Арабија забележа сензационална победа од 2-1 над Аргентина на отворањето на Светското првенство во групата Ц. Иако губеа на полувремето, Саудијците не се предадоа и во вториот дел направија пресврт против фаворизираните Аргентинци.
Победата на Саудијците предизвика еуфорија во земја, па кралот Салман реши утрешниот ден да го прогласи за државен празник за народот да го прослави големиот триумф.
Одлуката се однесува и на приватниот и јавниот сектор, како и на учениците и студентите во сите фази на образованието.
Охрабрена од сензационалната победа, Саудиска Арабија сега ќе се обиде да оди чекор понатаму и да се пласира во осминафиналето на Светското првенство во Катар.
Остануваат натпреварите против Полска и против Мексико.
