Гостивар го совлада Охрид со 1-2 и моментно го презеде врвот на табелата во Втората лига. Гостите беа подобар тим, а го искористија и тоа што домаќинот брзо остана со фудбалер помалку. Антонио Каланоски со удар со глава донесе водство во 26.минута, а Стојанче Велинов зголеми на 0-2. До крајот Охрид постигна почесен погодок. По мечот се случи и мал инцидент, мешаница меѓу фудбалерите на двете екипи.
Воска исто така славеше на гости против Арсими со 1-2 и се врати во победнички ритам. Емини од пенал и Фета беа стрелци на головите за Воска Спорт.
