Напаѓачот Александар Трајковски нема да може да настапи за фудбалската репрезентација на Македонија на претстојните пријателски натпревари против Азербејџан и против Финска. Тој има повреда на листот на ногата и не е во состојба да одговори на повикот на селекторот Благоја Милевски.
Стручниот штаб дополнително ќе одлучи дали ќе прати повик до друг фудбалер како замена за повредениот Трајковски.
Македонија ја очекуваат два теста, ќе игра против Финска (17. ноември, 18:00 часот) и против Азербејџан (20. ноември, 14:00 часот) на Националната арена „Тодор Проески“ во Скопје.
