Баерн Минхен славеше на гости против Херта во Берлин со 2-3 и се врати на првата позиција на табелата во Бундес-лигата. Интересно, сите пет гола беа постигнати во првото полувреме. Џамал Мусијала го отвори резултатот, а потоа Ерик Чупо-Мотинг двапати погоди во период од само две минути.
Се чинеше дека Баерн лесно ќе слави, но потоа Херта брзо постигна два гола. Доди Лукебакио намали со одличен удар во 40.минута, а Деви Селке од пенал намали на 2-3. Но, тоа беше се на овој натпревар.
Борусија Дортмунд со 3-0 го победи Бохум. Мукоко постигна прекрасен гол за водство, а Рејна од пенал зголеми на 2-0. Третиот гол исто така беше дело на Мукоко.
Лајпциг славеше на гости против Хофенхајм со 1-3, а Ајнтрахт Франкфурт оствари гостински триумф (1-2) против Аугсбург. Волфсбург со 0-3 го победи Мајнц.
