На напаѓачот на Тотенхем, Хјонг-Мин Сон, му е извршена операција на лицето, соопштија од англискиот клуб. 30-годишниот Јужнокореец ја скрши јаболчната коска под левото око на натпреварот во вторникот во Лигата на шампионите со Олимпик Марсеј.
Повредата го доведува во прашање учеството на Сон на претстојниот Мундијал.
Светското првенство во Катар започнува на 20 ноември, а првиот натпревар на Јужна Кореја е четири дена подоцна против Уругвај. Во групата се уште и Португалија и Гана.
Хјонг-Мин Сон има 104 настапи за репрезентацијата на Јужна Кореја и 35 гола.
