Аталанта е нов лидер на табелата во Серија А, барем до завршување на мечот меѓу Кремонезе и Наполи. Тимот од Бергамо само ремизираше (2-2) против Удинезе, но и тоа беше доволно за да собере 21 бод.
Аталанта имаше водство од 0-2 на гостувањето во Удине, но на крајот мораше да се задоволи со еден освоен бод. Лукман и Мјуриел донесоа убава предност за Аталанта, но Делофеу и Перез успеаја да му донесат реми на Удинезе на овој дуел.
Салернитана славеше со 2-1 против Верона, а Монца стигна до триумф од 2-0 против Специја.
