Валенсија ја оствари четвртата победа во Ла Лига оваа сезона откако славеше на гости против Осасуна со 1-2. Џастин Клајверт во 28.минута го отвори резултатот, а Муктар Дијакаби во 54.минута зголеми на 0-2.
Осасуна пропушти да се врати во игра откако Авила не реализира пенал во 57.минута, а потоа домаќинот остана со играч помалку поради исклучувањето на Унаи Гарсија.
Во 70.минута Кавани не искористи пенал за Валенсија, а и Дијакаби беше исклучен во 90.минута од мечот.
Осасуна постигна почесен гол во 94.минута кога Дарко Брашанац стрелаше на вистинското место. Потоа беше доделен црвен картон и за Рубен Пена.
