Раководството на Севилја пред два дена го отпушти тренерот Хулен Лопетеги поради очајниот старт на сезоната. Сепак, како што стојат работите, Лопетеги нема да мора долго да чека за нов ангажман, пренесуваат британските медиуми.
Се зборува дека шпанскиот стратег, кој своевремено беше тренер на Реал Мадрид и селектор на Шпанија, е пред потпис со Вулверхемптон, англискиот премиерлигаш кој е во потрага по нов менаџер по отказот на Бруно Лаге.
Вулверхемптон ги почна преговорите со Лопетеги и расплетот би требало да биде познат до крајот на викендот.
Од друга страна, неговиот поранешен клуб Севилја веќе го најде наследникот. Тоа е Хорхе Сампаоли, кој во минатото ја водеше Севилја, а последниот ангажман му беше во Олимпик Марсеј.
