Играчот од средниот ред на Манчестер Јунајтед, Дони ван де Бек и оваа сезона не добива доволно минутажа. Тој не го минува најдобриот период во кариерата на „Олд Трафорд“ откако дојде од Ајакс во 2020 година.
Му предвидуваа светла иднина, но засега ништо од тоа.
Сепак, како што пренесуваат италијанските медиуми, Ван де Бек со трансфер во Серија А би можел да се врати во формата која им го препорача на „црвените ѓаволи“.
Интер е во потрага по играч за врска кој би го заменил повредениот Марсело Брозовиќ, а раководството на „нероаѕурите“ смета дека Холанѓанецот е идеален играч за испразнетото место.
Тој би можел во јануари да дојде на позајмица, со опција за откуп на договорот.
Ван де Бек оваа сезона запиша само 19 минути во дресот на Манчестер Јунајтед во Премиер – лигата.
