Тажна вест од Лондон. Почина Џанпјеро Вентроне, кој беше член на стручниот штаб на Антонио Конте во тимот на Тотенхем. Тој пред неколку дена дозна дека болува од леукемија, а имаше 62 години.
Вентроне беше кондициски тренер, многу почитуван како стручњак за физичка подготвеност на фудбалерите. Тој во минатото работеше во Јувентус, од 1994 до 1999 година, и од 2001 до 2004 година.
„Со голема тага мора да соопштиме дека Вентроне почина. Ќе ни недостигаш на сите во клубот, а нашите мисли се со семејството и пријателите во ова тешко време“, соопштија од Тотенхем.
