Шпанскиот прволигаш Севилја се раздели со тренерот Хулен Лопетеги по вчерашниот најнов дебакл (1-4) од Борусија Дортмунд во Лигата на шампионите. Тимот од Андалузија очајно ја стартуваше новата сезона, реди порази и во Ла Лига и во ЛШ, па отказот за Лопетеги беше неминовен.
Но, тој нема многу да чека за нов ангажман, затоа што речиси е договорен да го преземе кормилото на Вулверхемптон и да се пресели во Премиер – лигата.
Лопетеги ја водеше Севилја во 170 мечеви и оствари 89 победи, а во 2020 година го освои трофејот во Лига Европа.
Како наследник на Лопетеги се најавува Хорхе Сампаоли.
