Шпанскиот прволигаш Елче го отпушти тренерот Франциско Родригез по серијата од пет порази. Синоќа Елче загуби од Рајо Ваљекано со 2-1 и остана на последното место на табелата во Ла Лига со само еден освоен бод.
„Би сакале да му се заблагодариме на тренерот за неговата работа и посветеност за време на неговиот престој во клубот и напорите да обезбеди опстанок во лигата минатата сезона“, стои во соопштението на клубот.
Родригез го презеде водството на Елче во ноември минатата година и успеа да му обезбеди опстанок, но почетокот на оваа сезона не е ветувачки.
