Работнички по две ремија во првите две пролетни кола, конечно стигна до триумф. Тимот на Жикица Тасевски славеше на гостувањето во Кичево против Победа со 0-1. Стрелец на победничкиот гол беше Владимир Димитровски во 21.минута од натпреварот.
Дефанзивецот скокна највисоко во петерецот по корнерот од десната страна и со удар со глава погоди на вистинското место. Победа немаше сили да возврати и да стигне до реми.
Овој натпревар почна 20 минути подоцна од останатите натпревари затоа што немаше амбулантно возило на стадионот во Кичево.
