Бројот на повредени играчи за време на оваа репрезентативна пауза е неверојатен, а нов на таа листа е Марсело Брозовиќ. Хрватот мораше да ја напушти играта по само 18 минути на гостувањето во Австрија (1-3), очигледно поради повреда на мускулот.
Ова е голем проблем за Интер, кој има тежок распоред во октомври, вклучително и двомеч со Барселона во Лигата на шампионите.
Интер не ја започна добро оваа сезона, загуби на три гостувања, по што сериозно се тресе клупата на Симоне Инзаги.
Без Брозовиќ дефинитивно ќе му биде уште потешко на наредните мечеви.
