Менаџерот на Ливерпул, Јирген Клоп, истакна дека го гаѓале со шише за време на дербито со Евертон (0-0) на „Гудисон Парк“. Домашните постигнаа гол преку Конор Коди, но голот со право беше поништен поради офсајд. Токму во овој момент од трибините полета шише кон Клоп, за кое тврди дека го удрило четвртиот судија.
„Мислам дека шишето го погоди четвртиот судија, но не сум сигурен. Бевме доста изненадени, тоа беше вистинско шише. На некој идиот му текнало да гаѓа од трибините. Може некој да загине“, прокоментира Клоп.
