Дербито на Мерсисајд ќе го отвори новото коло во Премиер – лигата. Ливерпул од 13.30 часот ќе го пречека градскиот ривал Евертон на „Енфилд Роуд“. Без капитен Џордан Хендерсон, но со Дарвин Нуњез кој ја одлежа суспензијата поради црвениот картон.
„Се уште ништо не знаеме конкретно за Хендо. Ги чекаме резултатите од прегледот, се уште ништо не сме добиле. Но, дефинитивно знаеме дека тој нема да може да игра против Евертон, но не ги знаеме деталите за сериозноста на повредата“.
Дарвин Нуњез отслужи суспензија од три натпревари по црвениот картон и сега се врати во тимот.
„Тој ја научи лекцијата. Дарвин е во добра форма. На претходните два меча забележавме две победи и не гледам дека имаше нешто особено лошо во периодот кога не можевме да сметаме на него. Мислам дека времето кога не можеше да игра всушност може да му биде од корист, би рекол дека е целосно фит сега“, изјави Клоп.
