По лошиот старт на сезоната, Манчестер Јунајтед влезе во победнички ритам. Тимот на Ерик тен Хаг ја оствари третата последовна победа славејќи на гости против Лестер со 0-1. Стрелец на победничкиот гол за „црвените ѓаволи“ беше Џејдон Санчо во 23.минута, на асистенција на Маркус Рашфорд.
Тен Хаг со веќе испробан рецепт, Роналдо почна на резервната клупа, исто како и Кашемиро, но двајцата добија шанса во второто полувреме.
Манчестер Јунајтед со девет бода се наоѓа на петтата позиција на табелата во Премиер – лигата, и во моментот е пред Ливерпул.
