Силекс и Академија Пандев ремизираа (1-1) во Кратово (ВИДЕО)

Силекс и понатаму е непоразен по враќањето во елитата откако одигра 1-1 на денешниот дуел против Академија Пандев во Кратово. Водство за кратовци донесе Обадовиќ во 37.минута откако Јанкулов шутираше одлично, а тој налета на одбиената топка од голманот Марко Јовановски.

Пред одморот блесна Кристијан Велиновски, кој одлично се ослободи од противничките фудбалери и со шут од 25 метри го совлада Даниел Божиновски.

Останатите натпревари од четвртото коло во Првата фудбалска лига се играат утре.