Македонскиот првак Шкупи утревечер (21 часот) ќе ги одмери силите со косовскиот тим Балкани во плејофот за пласман во групната фаза од Конференциската лига на УЕФА. Левиот бек Бесир Демири вели дека тимот е подготвен за предизвикот и се надева на историски клупски успех.
„Подготвени сме. Верувам дека Шкупи е подобар тим од информациите што ги имаме за нив, споредбата на македонскиот и косовскиот фудбал. Но, на крајот единствено мерило е теренот, ќе треба да покажеме дека сме подобри. Ако добијам шанса од тренерот Седлоски, ќе го дадам максиумот за да оствариме историски резултат за клубот“, изјави Бесир Демири.
