Напаѓачот на Ливерпул, Дарвин Нуњез, се извини јавно поради црвениот картон што го заработи откако удри противнички фудбалер без топка на мечот против Кристал Палас (1-1) на своето деби на „Енфилд Роуд“ во Премиер – лигата. Тој вети дека таквото „лудило“ нема да се повтори.
„Свесен сум за лошото однесување што го имав. Тука сум да учам од моите грешки и тоа нема да се повтори. Се извинувам на сите во Ливерпул. Ќе се вратам“, напиша Нуњез на Твитер.
Напаѓачот на Ливерпул сигурно ќе го пропушти дербито против Манчестер Јунајтед на „Олд Трафорд“ в понеделник.
