Пари Сен Жермен оствари уште една убедлива победа изразена со пет постигнати гола. На „Паркот на принцовите“ славеа си 5-2 против Монпелје.
Мбапе не реализира пенал во 23.минута, но потоа кумуваше при автоголот на Сако во 39.минута. Во 43.минута беше досуден нов пенал за ПСЖ, а го реализираше Нејмар.
Бразилецот погоди и на почетокот на вториот дел, а потоа и Мбапе се запиша меѓу стрелците. На крајот и Ренато Санчес постигна дебитантски гол во новиот клуб, а за гостите стрелаа Казри и Чато.
