Италијанскиот калчолигаш Јувентус утре треба да го комплетира трансферот на фудбалерот на Ајнтрахт Франкфурт, Филип Костиќ , пренесуваат италијанските медиуми. Токму затоа Костиќ не е во тимот на вечерашниот меч од Суперкупот на УЕФА против Реал Мадрид.
Костиќ беше блиску до трансфер во Вест Хем, но откако Јувентус се вклучи во трката тој избра да се пресели во Торино. Италијанците за неговиот потпис ќе платт 13 милиони евра, плус бонуси.
Филип Костиќ утре наутро ќе пристигне во Торино на лекарски прегледи, а потоа ќе стави потпис на четигодишен договор со Јувентус.
