Македонскиот првак Шкупи и вторпат загуби од Шамрок (0-2), па ќе продолжи во плејофот за Конференциската лига на УЕФА. Не се остварија најавите за офанзивен фудбал и победа на Шкупи.
Тренерот Гоце Седлоски ја знае причината.
„Имавме многу грешки во додавањата, потфрливме во средниот ред и во одбраната. Ако и за момент падне концентрацијата на вакви мечеви, противникот тоа знае да го искористи. Мора да се признае дека Шамрок беше подобар од нас во овие 180 минути. Ние сега ќе се фокусираме на домашното првенство и ќе го чекаме противникот во Конференциската лига“, изјави Гоце Седлоски.
