Белгискиот интернационалец Дрис Мертенс и дефинитивно нема да остане во Наполи во новата сезона од Серија А. Раководството на клубот и најдобриот стрелец во клупската историја не успеаја да се договорат за нова соработка, па Мертенс заминува од стадионот „Диего Марадона“ по цели девет години во Неапол.
Италијанските медиуми најавуваат дека Лацио е заинтересиран да го доведе Белгиецот, но исто така и Интер влегува во трката за одличниот крилен напаѓач кој е слободен агент. Симоне Инзаги сака да го продаде Алексис Санчез и на негово место да го доведе Мертенс.
