Хрватскиот првак Динамо Загреб во победничка атмосфера ќе патува за Скопје откако вечерва го совлада Славен Белупо со 1-5 во второто коло од шампионатот. Тренерот Анте Чачиќ одмори дел од ѕвездите меѓу кои и Аријан Адеми, а сепак тимот забележа сигурен триумф.
Славен Белупо поведе од пенал во втората минута со голот на Марио Марина, но Динамо одговори експресно. Мартин Батурина израмни во седмата минута, Мислав Оршиќ се погрижи за пресврт во 15. минута, а само пет минути подоцна погоди и Јосип Дрмиќ.
Во второто полувреме стрелци беа и Јосип Мишиќ и Дарио Шпикиќ.
Динамо Загреб во вторник го игра реванш мечот против Шкупи на арената „Тодор Проески“, во второто коло од квалификациите за ЛШ. Првиот меч во Загреб заврши 2-2.
