Македонскиот претставник Македонија ЃП денеска (17.30 часот) го пречекува бугарскиот тим ЦСКА Софија на комплексот на ФФМ, во првиот меч од второто квалификациско коло во Конференциската лига. Ривалот е фаворит во двомечот, но „лавовите“ најавија дека ќе дадат се од себе да ја добијат пресметката.
Капитенот Ермедин Адем истакнува дека тимот е подготвен за надигрување, иако можеби ЦСКА Софија има поголемо интернационално искуство.
„Противникот е фаворит, но ние нема лесно да се предадеме. Можеби тие имаат поголемо европско искуство, но ние ќе го дадеме максимумот за да дојдеме до позитивен резултат пред реваншот во Софија. Не очекува тежок дуел, временските услови ќе бидат пеколни, но се надеваме дека на крајот ќе се радуваме заедно со нашите навивачи“, изјави Ермедин Адем.
Билетите за натпреварот се комплетно распродадени, па „лавовите“ ќе имаат максимална поддршка
