Аргентинскиот ас Пауло Дибала одбрал каде ќе ја продолжи кариерата. Иако нема да настапува во Лигата на шампионите следната сезона, тој е подготвен да ја прифати понудата на Рома и да соработува со Жозе Мурињо.
Италијанските медиуми тврдат дека Дибала веќе се договорил со римскиот клуб за плата од 6 милиони евра. Сепак, за да се реализира таа зделка ќе мора да почека Рома да направи место во буџетот. Се очекува продажбата на еден од играчите, тоа најверојатно ќе биде Николо Заниоло, па дури потоа и доаѓање на Дибала во Рим.
Дибала претходно им беше понуден на Барселона, Интер и на Милан, но преговорите одеа многу тешко.
