Англискиот премиерлигаш Челси во наредните денови ќе испрати понуда до Баерн Минхен за крилниот напаѓач Серж Гнабри, пренесуваат медиумите на Островот. Томас Тухел веќе го договори трансферот на Рахим Стерлинг, но би сакал уште еден одличен крилен напаѓач, со оглед на очекуваната разделба со Хаким Зијеч.
Челси го „ловеше“ и Рафиња од Лидс Јунајтед, но Бразилецот избра преселба во Барселона.
Оттаму Челси сега се фокусира на Гнабри и подготве е да понуди 45 милиони фунти. Договорот на Германецот со Баерн истекува следното лето, а за него заинтересиран е и Арсенал.
