Португалската мегаѕвезда Кристијано Роналдо е се поблиску до заминување од „Олд Трафорд“, а менаџер на Манчестер Јунајтед, Ерик тен Хаг, веќе го бара неговиот наследник. И би можел да го пронајде во Франција.
Според француските медиуми, напаѓачот на Лион, Муса Дембеле, би можел да биде замената за Роналдо.
Францускиот напаѓач има 25 години, минатата сезона постигна 21 гол на 30 првенствени натпревари, а договорот со Лион му истекува следната година.
Тен Хаг би сакал да го има Муса Дембеле во тимот, а раководството на Манчестер Јунајтед најверојатно прво ќе ја почека конечната разврска околу заминувањето на Кристијано Роналдо.
